Este curso seguimos gozando do Club de lectura de adultos, unha das experiencias máis bonitas da nosa biblioteca. Ao longo destes meses compartimos lecturas, conversas, reflexións, risas e moitos momentos especiais arredor dos libros, creando un espazo de unión, confianza e respecto.
Foi un curso cheo de historias e emocións, no que tamén tivemos a sorte de gozar dos encontros coa autora Rocío Leira, que fixeron desta aventura lectora unha experiencia aínda máis especial.
No vídeo que compartimos recollemos unha pequena mostra de todo o vivido: encontros, charlas, lecturas e instantes de complicidade que fan do noso club un lugar único e inesquecible.
