Desde a biblioteca, e dentro do programa Lectura e familias, o alumnado de 1º curso tivo a oportunidade de achegarse e coñecer, da man das súas familias, distintas profesións. Pais e nais compartiron coas nenas e nenos as súas experiencias, descubrindo un mundo de oficios moi amplo, interesante e variado.
Foi unha experiencia incrible, chea de aprendizaxes, curiosidade e momentos compartidos, na que o alumnado puido escoitar, preguntar e vivenciar de preto realidades profesionais moi diferentes.
Ademais, as familias tamén nos agasallaron con lecturas amenizadas en distintos espazos do colexio, convertendo cada encontro nun momento especial para gozar dos libros, da palabra e da compañía.
Sen dúbida, foi unha marabilla poder contar con esta oportunidade e seguir tecendo lazos entre a escola, a biblioteca e as familias.
