Este curso a nosa biblioteca estrea mascota!
Para elixila organizouse un concurso de debuxo no que participou o alumnado de todo o colexio, demostrando unha gran creatividade e imaxinación.
Entre todas as propostas, a gañadora foi o Lagarto Leonardo, que desde agora será o encargado de acompañarnos nas nosas aventuras lectoras.
Para darse a coñecer, Leonardo escribiulle unha cariñosa carta a todo o alumnado e, ademais, sorprendeunos cun pequeno agasallo. A súa chegada foi todo un éxito e encantou a grandes e pequenos.
Benvido, Lagarto Leonardo! Estamos seguros de que viviremos con el moitas historias e momentos inesquecibles na nosa biblioteca.
