Rematado o prazo de presentación de solicitudes de admisión en centros docentes sostidos con fondos públicos para os alumnos/as de nova incorporación, a dirección do centro comunica que no caso das solicitudes para os cursos de infantil e de 2º de primaria non é necesario baremar xa que as solicitudes non superaron o número de prazas dispoñibles.
No caso das solicitudes presentadas para os cursos de 1º, 3 º,5º e 6º de primaria ábrese un prazo de 10 días hábiles (ata o 8 de abril) para a presentación presencial da documentación xustificativa dos criterios de baremos alegados marcados na solicitude de admisión presentada. Se xa autorizaron a consulta ou entregaron a documentación non é necesario volver a entregala.
Posteriormente e conforme co artigo 35 da Orde do 21 de outubro de 2022 pola que se desenvolve o Decreto de 13/2022, de 3 de febreiro e que regula o proceso de admisión do alumnado en centros docentes sostidos con fondos públicos, o día 27 de abril de 2026 serán publicadas a listaxes provisionais do alumnado admitido e non admitido por curso e por orde de puntuación provisional obtida.
As listas, segundo a normativa, publicaranse no taboleiro de anuncios do centro e estarán dispoñibles a través da aplicación informática www.edu.xunta.gal/admisionalumnado.
Poderase formular reclamación ante o consello escolar no prazo de 5 días hábiles contados a partir do seguintes ao da publicación das listaxes.
Estas reclamacións entenderanse estimadas ou desestimadas coa publicación da listaxe definitiva o 15 de maio de 2026. As persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.
O prazo para a formalización da matrícula é do 20 de xuño ao 30 de xuño de 2026 (ámbolos dous inclusive)
