O magosto

1. Introducción

O magosto é unha festa tradicional celebrada en Galicia na que se asan e comen castañas, que poden ir acompañadas de chourizos e viño. A parte de comer, é común  tiznarse a cara cos restos da fogueira, saltar as fogueiras xa que trae sorte así como realizar diferentes xogos tradicionais, contar contos e cantar cancións populares.

A cultura galega estivo sempre estreitamente vinculada á castaña. Ademais de que os castiñeiros forman parte da paisaxe da comunidade, este froito foi decisivo na historia e a economía de Galicia. Foron os romanos quen introduciu a árbore no territorio e ata o descubrimento de América foi un produto fundamental na dieta dos galegos. Coa chegada das patacas, a castaña pasou a ser consumida polas clases menos favorecidas, pero recentemente a cociña  groumet deulle o seu lugar. A forma máis tradicional de preparalas é asadas.

Esta festa é especialmente celebrada na cidade de Ourense, onde coincide coa celebración do San Martiño (11 de novembro), patrón da cidade, e está considerado festa de interese turístico de Galicia.

2. Orixe

A súa orixe

É unha festa de orixe pagá que logo foi cristianizada.Ten ingredientes dos rituais celtas: o lume, a
coincidencia coa fin do verán, etc É unha festividade relacionada co culto áfecundidade; de aí a súa relación directa co lume, representando ó sol, deus fecundador da terra.

Na súa orixe, o magosto reunía ás familias contorna ao lume para honrar as colleitas. Co paso dos anos, os costumes foron adaptándose aos novos tempos, pero o lume sempre foi unha constante.

Ao cristianizarse, foi asociada aos santos e defuntos, por iso se festexa o 1 de novembro, por ser unha comida que simboliza a morte do ciclo solar anual. Máis tarde nas terras de Ourense pasou a celebrarse o día 11 de novembro, festividade de San Martiño de Tours, patrón da cidade das Burgas.

3. Escritores

O escritor e historiador galego Manuel Murguía consideraba o Magosto como un banquete funerario no que a castaña ao lume simbolizaría a morte e o viño, a nova vida. Ao redor desta idea, para celebrar o fin dunha nova colleita, xuntábanse veciños, familia e amigos.

Diferenciaba o historiador e antropólogo galego Antonio FraguasFraguas entre o Magosto a secas, que “non é máis que asar unhas castañas nunha fogueira”, e a festa do Magosto, que é moito máis. É o Magosto unha festa de colleitas, lume, castañas e viño novo. É festa de xuntarse e de divertirse, festa de vida e morte, de mocidade e de  tiznar a traizón ao de en fronte. O magosto celebra a vida despois de que en Todos os Santos e Fieis honrase á morte.

4. Vídeo