Deixando Pegada

Promoción de Educación Primaria

O alumnado de Educación Primaria que remata a súa etapa no noso centro educativo vai deixar unha pegada inmorredoira. Para simbolizar este camiño percorrido, imos gravar os seus nomes e o ano da súa graduación nunha peza de KAPLA, os emblemáticos listóns de madeira de construción.

Estas pezas tan especiais mesturaranse cos xogos habituais do colexio. Deste xeito, os nenos e nenas que están por vir ou que xoguen con elas no futuro, poderán lembrar a todo o alumnado que formou parte da nosa historia.

Ademais, no futuro, cando este alumnado regrese a visitarnos, poderá buscar a súa propia peza entre os xogos de KAPLA, escavar nos recordos e revivir os vellos e felices momentos pasados nas nosas aulas.