Booktrailers

Proxecto Booktrailer na Radio da Escola 📚🎙️

Neste espazo imos crear booktrailers, é dicir, pequenas recomendacións de libros que vós mesmos e vós mesmas ides preparar a partir das lecturas da nosa biblioteca… e logo gravar na radio do centro! 🎧

Que é un booktrailer?

Un booktrailer é como o tráiler dunha película, pero dun libro. Serve para despertar a curiosidade doutras persoas e conseguir que lles entren gañas de ler ese libro.

No noso caso faremos un booktrailer radiofónico: en vez de facelo en vídeo, gravarémolo na radio da escola. Vós seredes as locutoras e locutores que contan, con vosa voz, por que ese libro paga a pena.

Que terás que facer?

• Escoller un libro que liches da biblioteca e que che gustara.
• Pensar que o fai especial: a historia, os personaxes, o misterio, o humor…
• Preparar unha pequena presentación para convencer a outras persoas de que o lean.
• Coidar de non contar o final nin os segredos máis importantes (¡sen spoilers!).
• Ensaiar o teu guión e vir á radio para facer a gravación.

Non se trata de facer un resumo do libro, senón de crear un anuncio atractivo que deixe a quen escoita con ganas de ir correndo á biblioteca a buscalo. 😉

Como imos traballar

A continuación terás dispoñible un documento-guía para descargar, onde se explica paso a paso:

• A información que tes que recoller sobre o libro.
• As preguntas que che axudan a preparar o teu guión.
• As partes que debe ter o teu booktrailer para que quede claro e interesante.

1º completa a guía co teu libro,
2º revisa o texto co profesorado,
3º e despois imos á radio gravar o teu booktrailer.

Prepara a túa mellor voz… a biblioteca e a radio están agardando por ti! 📖✨