• Croma

    • Icona Páxina
      Que é o croma?

      💚 Croma: crea, imaxina e transforma coa pantalla de fondo verde

      Da idea ao vídeo: convertemos o fondo verde en calquera escenario que poidamos imaxinar!

      Que é o croma

      O croma é unha técnica audiovisual que consiste en gravar diante dun fondo verde (ou azul) para substituílo por outro escenario dixital. Permite viaxar a outros lugares, introducir efectos especiais e crear vídeos máis atractivos e creativos.

      Que facemos co croma

      • Gravamos contos, noticiarios, entrevistas e curtametraxes creadas polo alumnado.
      • Transportámonos a escenarios imposibles: o espazo, o fondo do mar, castelos medievais…
      • Creamos vídeos para proxectos doutros espazos de Polos Creativos (radio, robótica, impresión 3D…).
      • Aprendemos a editar os vídeos e a substituír o fondo usando aplicacións como Kdenlive ou OBS Studio.

      Como traballamos

      1. Preparamos o guión e decidimos o fondo que imos empregar.
      2. Montamos o escenario co pano verde, a iluminación e a cámara.
      3. Gravamos a escena asegurándonos de que non haxa sombras nin roupa verde.
      4. Editamos o vídeo substituíndo o fondo e engadindo música, efectos ou texto.

      Boas prácticas e seguridade

      • Revisar que o pano estea ben estirado e iluminado.
      • Evitar roupa da mesma cor que o fondo.
      • Respectar as quendas de gravación e falar en voz baixa cando non se grava.
      • Gardar e etiquetar correctamente os proxectos e arquivos creados.

      Competencias que traballamos

      • Competencia dixital: gravación, edición e tratamento de imaxes e vídeo.
      • Competencia lingüística: elaboración de guións e narrativas audiovisuais.
      • Competencia artística: expresión creativa a través da interpretación e o vídeo.
      • Competencia social e cidadá: traballo en equipo, planificación e comunicación.
      💡 Inspírate! Crea o teu propio mundo diante do fondo verde 🎬✨
    • Icona Ficheiro
      Croma Studio

      🎬 Benvidas e benvidos ao Obradoiro Croma do CEIP Plurilingüe Monte dos Postes! 🎬

      Nesta aplicación ides atopar todo o necesario para preparar as vosas noticias e vídeos antes de pasar polo estudo de gravación. A ferramenta está dividida nestas áreas:

      📝 Xerador de Guións (5º e 6º / Infantil e ata 4º): Preparade os vosos textos coidadosamente. Poderedes revisar a ortografía, gardar o progreso por se non vos dá tempo a rematar hoxe, e ao final, xerar o voso Guión en PDF listo para imprimir.

      📺 O Teleprompter: Unha vez teñades o texto listo, podedes usar o teleprompter da aplicación para ler os vosos guións a velocidade controlada mentres mirades directamente á cámara.

      ✂️ Xestor de Edición (Kanban): Cando rematedes de gravar as vosas tomas nos fondos verdes, o alumnado de 5º e 6º de EP usarán este taboleiro para organizar o traballo de edición e non esquecer ningún paso (brutos, croma, música, títulos..) para montar os vosos vídeos.

      Moito ánimo xornalistas, presentadoras e presentadores!


    • Icona Páxina
      A técnica croma

       

       

    • Icona Páxina
      Outra explicación de croma

    • Icona Cartafol
      MATERIAL PARA PRÁCTICAS DE EDICIÓN

      Descarga este material para probar a editar o teu primeiro vídeo de croma. 

      Cando descargues o cartafol no nome do mesmo substitúe NOME polo teu nome CURSO polo teu curso e as XX pola data que sexa. Exemplo BENI 5ºA croma 150326

    • Icona Cartafol
      Fondos croma telexornal
    • Icona URL
      FiftySounds descargade música legal para os vosos vídeos

      🎵 ¿Que é FiftySounds?

      FiftySounds é unha biblioteca de música e efectos de son para proxectos creativos.

      • Para que serve: Se estás montando un vídeo de noticias con croma, aquí podes atopar a música de fondo (estilo "informaticos") ou efectos de son (un aplauso, un trono, un "clic").

      • O mellor de todo: Tes música "libre de dereitos". Só tes que buscar a categoría que che guste, descargala e usala nos teus vídeos para que queden moi profesionais.

    • Icona URL
      Pixabay

      📸 ¿Que é Pixabay?

      Pixabay é como un "supermercado xigante" de imaxes, pero onde todo é de balde.

      • Para que serve: Se precisan unha foto dun astronauta, un vídeo dun volcán ou un debuxo dun can para un traballo, poden buscalo alí.

      • O mellor de todo: Son imaxes de "dominio público". Isto significa que os fotógrafos as regalan para que calquera (coma nós no colexio) poida usalas sen ter que pagar nin pedir permiso, e sen problemas de dereitos de autor (Copyright).

    • Icona Páxina
      Exemplo de como debe quedar o teu vídeo