Resumo das tarefas a realizar no portfolio

Ola Usuario convidado! Neste apartado fágoche un resumo de todas as tarefas reflectidas no libro do tema "Coidamos a nosa saúde!" que iremos realizando pouco a poco durante o desenvolvemento do tema 2 para achegar ao teu portfolio.
Recorda que serán avaliadas, no teu Libro de cualificacións do curso, unha vez rematado o tema.
PREME no título da tarefa para acceder a ela no libro de contidos.

      
1.1 PESCUDAMOS: Pregunta á túa familia en casa que enfermidades pasaches. Cos datos obtidos cubre o modelo facilitado e pégao no teu caderno de clase.

   
1.3 PESCUDAMOS: Pregunta á túa familia en casa que enfermidades pasaches e que vacinas che puxeron. Cos datos obtidos cubre o modelo facilitado e pégao no teu caderno de clase.

   
1.4 INVESTIGAMOS SOBRE ATENCIÓN MÉDICA. Deberás pescudar coa túa familia todo o que che aconteceu na visita a un hospital ou centro médico, empregando a planilla facilitada.

  
2.0 DEBATEMOS. Que nos pasaría se non tivésemos estes hábitos saudables.

  
2.1 DEBATEMOS Que outras accións podemos realizar para previr accidentes na nosa casa e no cole. Primeiro, anotaremos todas as suxerencias que fagades na pizarra de clase. Unha vez rematado, seleccionamos as mellores aportacións e anotarémolas no caderno de clase.

     
2.2 CREAMOS UN FLIPBOOK. Imos montar un flipbook dos hábitos saudables co aprendido neste tema segundo as instrucións facilitadas na planilla.

    
3.1 PESCUDAMOS: Busca en folletos de publicidade de supermercado imaxes de alimentos e recórtaos. Unha vez recortados, deberás clasificalos segundo sexan naturais ou elaborados como che indicamos no modelo de ficha.

       
3.2 CONSTRUÍMOS: Realiza a pirámide dos alimentos seguindo as instrucións facilitadas na planilla facilitada.

           
3.3 PESCUDAMOS. Para realizar esta tarefa clasificaremos os alimentos segundo as substancias que nos aportan. Posteriormente, completaremos o prato de menú saudable que se facilitan.
Cando teñas o prato completo, pegaralo no teu caderno.

 
3.4 MANS Á OBRA: Por parellas, recopila a información que traballamos no tema e elaborar un menú saudable para unha semana seguindo as instrucións e a táboa facilitada.

 
4.2 MAPA CONCEPTUAL. Para rematar este tema, deberás completar a mapa conceptual que se achega na planilla. Poderás revisar todo o material facilitado no apartado de "Informarse e aprender" deste tema.