O recurso ficheiro serve para que o alumnado descarque/visualice un ficheiro.

Para engadir un ficheiro hai que seleccionalo na lista de Recursos, unha vez feito isto vemos na opción xeral:


O texto que tecleemos na entrada Nome é o texto que verá o usuario, namentres que o texto escrito en Descripción, onde describimos a información que contén o arquivo, so se mostrará na pantalla se temos marcada a opción Presentar a descrición na páxina do curso.

Na opción Ficheiro é onde subiremos o arquivo.Para iso abre a carpeta onde está o arquivo que queiras engadir, fai clic sobre el e, sen deixar de premer o botón esquerdo do rato, arrastrao e deixao caer enriba da caixa etiquetada coma Ficheiros seleccionados.


Na opción Apariencia especificase como se quere que se mostre a información aos usuarios:


A opción máis importante é Presentar, que amosa as seguintes posibilidades a escoller:

  • Automático: seleccionase de forma automática a mellor opción para presentar o ficheiro
  • Incrustado: presentase o ficheiro dentro dunha páxina na aula virtual xunto coa súa descrición.
  • Forzar descarga: preguntáselle aoa usuario se quere descargar o ficheiro.
  • Abrir: presentáse o ficheiro na mesma xanela do navegador na que tiñamos a aula virtual.
  • Nunha xanela emerxente: presentase o ficheiro dentro dunha nova xanela do navegador.

Unha vez que rematemos de configurar o contido prememos o botón Gardar e volver ao curso.

Última modificación: domingo, 8 de novembro de 2020, 7:30 PM