P4: Crear bases de datos

Pasos a seguir:

1. Acceder, logueado, ao curso denominado Zona de prácticas.
2. Premer en activar edición na esquina superior dereita.
3. Premer en engadir unha actividade ou recurso. Lembremos que as actividades implican que o participante ten que realizar algunha acción (son máis activas), e os recursos implican máis que nada recibir información ou documentación (son máis pasivos). Escoller a actividade Tarefa.
4. Cubrir, no apartado xeral, o campo nome, co título que terá a base de datos.
5. Cubrir, no apartado xeral, a descripción da actividade que se plasmará na base de datos. Coma sempre haberá que explicar o máximo posible, poñerlles recursos de axuda, gravarnos en vídeo ou audio para dar as instrucións se son moi cativos... Unha captura de pantalla da propia base de datos en sí (que crearemos dentro dun par de pasos), con flechas indicando que hai que poñer en cada sitio sería perfecto.
Imos configurando as distintas opcións, moitas xa coñecidas (dispoñibilidade nunhas datas, cualificación en Moodle ou non etc.), e especialmente unha sección nova que ten ver coas entradas da base de datos.
• Se queremos dar nós o visto bo á entrada antes de que sexa visible publicamente ou non.
• Se permitimos que os participantes poidan comentar as entradas dos demais ou non.
• Cal é o número de entradas na base de datos que terá que facer cada alumno para considerar que supera a actividade.
• Cántas entradas ten que facer un participante antes de poder ver as entradas dos demais (se poñemos ninguna, poderán ver desde o principio).
• Cal é o número de entradas máximo que permitimos facer. Se os elementos susceptibles de introducir na base de datos son limitados, mellor deixar un número baixo; se son moitos pódese poñer un algo ou non poñer límite).
6. Premer en gardar, para que a actividade quede na aula virtual... aínda que a base de datos en si está sen definir.
7. Entrar na actividade: veremos varias lapelas (o alumnado só ve as primeiras), e escollemos campos.
8. Engadir un a un cada un dos campos que queremos que teña a base de datos, é dicir, cada unha das cousas que terán que introducir quenes a cubran. Temos a opción de entradas de texto (simples), áreas de texto (amplias e con editor), botóns de radio (selección única), caixas de selección (selección múltiple), campos numéricos, campos para arquivos, campos para imaxes, campos para números... O ideal para este paso é ter un borrador en papel e simplemente ir trasladándoo a Moodle.
9. Se queremos cambiar o formato de visualización, a orde dos campos, darlle estilos, etc., temos outras lapelas para iso, aínda que como son configuracións máis avanzadas aquí nesta práctica deixaremos todo por defecto.
10. Ir a engadir entrada para comprobar que se visualiza como desexamos, e agardar a que o alumnado vaia entregando. Cando haxa entregas poderemos velas en forma de lista, unha a unha, buscando contidos...