P2: Crear foros

Pasos a seguir:

1. Acceder, logueado, ao curso denominado Zona de prácticas.
2. Premer en activar edición na esquina superior dereita.
3. Premer en engadir unha actividade ou recurso. Lembremos que as actividades implican que o participante ten que realizar algunha acción (son máis activas), e os recursos implican máis que nada recibir información ou documentación (son máis pasivos). Escoller a actividade Foro.
4. Cubrir o campo nome, co título ou tema do foro. Aquí mellor ser breves.
5. Cubrir o campo descrición, no que temos un editor coas opcións habituais (desplegalo se está colapsado). O que aquí poñamos serán as instrucións do foro, que poden ir desde unha simple presentación do contido ou obxecto do foro, ata unha explicación pormenorizada ou incluso a presentación dunha tarefa. Aquí podemos extendernos, incluir enlaces, vídeos, imaxes...
6. Deixar marcada a opción Foro estándar para uso xeral (as outras opcións tamén son útiles, pero de momento deixámolas).
7. Ir despregando as distintas opcións de configuración para que nos vaían sonando as distintas opcións. Neste caso a única que imos modificar é a denominada Puntuacións. Para facer o foro avaliable en Moodle (é dicir, que ademais do que nós fagamos a man fóra da plataforma, aquí tamén se corrixa e califique), escollemos as seguintes opcións (ver captura abaixo):
   • En tipo imos a escoller puntuación máxima, que consiste en que o alumno queda coa nota máis alta que lle poñamos en todas as súas intervencións nese foro (tamén podería ser a media, a suma, a mínima...).
   • En escala, imos a escoller a opción escala de valoración (aínda que podería ser tamén unha puntuación en porcentaxe, do 1 ao 10, unha escala personalizada, etc.).
8. Dámoslle a gardar e volver ao curso, ou gardar e ver. Se algo non está ao noso gusto, premer en editar a configuración para cambiar o que proceda.
9. Cando o foro estea listo, esperar a que o alumno que temos na Zona de prácticas entre a responder o que sexa, e logo volver a acceder para poñerlle a nota que consideremos.

Observacións:

Os foros son una ferramenta moi potente, aínda que ás veces os docentes non o percibimos por limitar o seu uso á "resolución de dúbidas", que valen para un montón de dinámicas de clase, de tarefas, de proxectos, de obxectivos... En realidade depende máis que nada da nosa "imaxinación didáctica". Un consello en eLearning sería, valéndonos dunha comparación coa actividade presencial, crear un foro cada vez que queiramos que haxa algún tipo de interacción entre participantes: facer un traballo conxunto, dialogar con todo o grupo-clase, coordinar unha tarefa cooperativa, debatir por turnos contiguos, expoñer traballos feitos por un/varios alumnos ao resto da clase, etc.

En canto aos rapaces pequenos, especialmente cando non teñen aínda a lecto-escritura, tamén poden facer uso deles (aínda que sexa con algo de axuda), xa que a intervención pode consistir en subir un vídeo realizando unha rutina, un debuxo escaneado ou fotogrado, etc.

Lembrade que en Moodle hai distintos tipos de foro (de novas, xeral, de preguntas e respostas, de discusión única...), que poden ser non avaliables/avaliables/coavaliables (pasando a nota directamente ao calificador de cada alumno), e que estas calificacións poden facerse con distintas escalas e sistemas.