Queremos lembrar ás familias que o XOVES 26 de MAIO de 2011 poderedes exercer o voso dereito a voto para saber se queredes xornada única o curso que vén para o noso cole.
Ben sabedes que durante grande parte deste curso a Comisión de Xornada Única (composta polo profesorado, familias de alumnos e membros do Concello) desenvolveu un proxecto que conta o respaldo do Claustro de mestres e do Consello Escolar.
Será nese importante día cando saberemos se é o horario de 9:45 a 14:45 (con servizo de autobuses ás 9:45 e ás 16:30, servizo de comedor de 14:45 a 15:30 e actividades supervisadas polo porfesorado coma son bilioteca, ludoteca e aula de estudio até as 17:30) o que queredes para o CEIP de Pedrouzos.
Queremos insistir na importancia de vir votar, xa sexa que SI ou que NON. Para isto haberá unha mesa electoral aberta nada menos que de 9:30 a 21:30 de xeito ininterrompido.
Agradecendo a vosa participación de antemán,
O Equipo Directivo.