Negra sombra

NEGRA SOMBRA

Cando penso que te fuches,
negra sombra que me asombras,
ao pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas;
si choran, es ti que choras;
i es o marmurio do río,
i es a noite i es a aurora.
En todo estás e ti es todo
pra min i en min mesma moras,
nin me abandonarás nunca,
sombra que sempre me asombras.

Preguntas:

A que xénero literario pertence o anterior texto?

Os versos son de arte maior ou menor? Por que?

Tratase dunha rima asonante ou consoante? Razoa a resposta

Quen é o autor ou autora deste texto?

Que pensas que quere dicir o texto?