Primeiro premio Marie Curie da categoría Ciencia no Cole de Pontenciencia para o CEE de PONTEVEDRA por “Sonríe sin Azúcar”. O alumnado do noso centro recibiu un importante recoñecemento no concurso de ciencia grazas a un proxecto de investigación centrado nun tema moi próximo á vida cotiá do alumnado: o efecto das bebidas azucradas máis consumidas no centro sobre a saúde dental.
Ao longo do traballo, os estudantes analizaron diferentes bebidas habituais e investigaron como podían afectar aos dentes, realizando observacións, recollida de datos e experimentos científicos. Este proxecto permitiulles achegarse ao método científico dun xeito práctico, desenvolvendo a súa capacidade de análise, reflexión e comunicación dos resultados.
Máis alá do premio acadado, queremos destacar o enorme valor do traballo en equipo realizado durante todo o proceso. A colaboración, a organización, o reparto de tarefas e o apoio mutuo foron fundamentais para conseguir este éxito. O alumnado demostrou unha gran implicación, responsabilidade e capacidade para traballar unido cara a un obxectivo común. Orgullosos do voso increíble traballo Grupo A.
Desde o centro queremos felicitar a todos os participantes polo seu esforzo, dedicación e entusiasmo pola ciencia, así como agradecer o acompañamento do profesorado implicado no proxecto. Sen dúbida, este recoñecemento é un motivo de orgullo para toda a comunidade educativa.
Preme na seguinte imaxe para ver o vídeo
