SUPOSTOS NOS QUE NON EXISTE GANANCIA OU PERDA PATRIMONIAL (art. 33.3 da lei)

 

Estimarase que non existe ganancia ou perda patrimonial nos seguintes supostos:

a)   En reducións do capital.

b)   Con ocasión de transmisións lucrativas por causa de morte do contribuínte.

c)   Con ocasión das transmisións lucrativas de empresas ou participacións ás que se refire a alínea 6 do artigo 20 da Lei 29/1987, do 28 de decembro, do imposto sobre sucesións e doazóns.

Nestes casos o donatario subrogarase na posición do doador respecto dos valores e datas de adquisición dos bens.

Os elementos patrimoniais que o contribuínte afecte á actividade económica con posterioridade á súa adquisición deberon estar afectos ininterrompidamente durante, polo menos, os 5 anos anteriores á data da transmisión.

d)   Na extinción do réxime económico matrimonial de separación de bens, cando por imposición legal ou resolución xudicial se produzan adxudicacións por causa distinta da pensión compensatoria entre cónxuxes.

O suposto ao que se refire esta alínea non poderá dar lugar en ningún caso ás actualizacións dos valores dos bens ou dereitos adxudicados.

e)   Con ocasión das achegas aos patrimonios protexidos constituídos a favor de persoas con discapacidade.