SEGUROS DE VIDA NOS QUE O TOMADOR ASUME O RISCO DO INVESTIMENTO («UNIT LINKED»).

 

A) SEGUROS «UNIT LINKED» QUE CUMPRAN OS REQUISITOS DO ART. 14.2.h) DA LEI

Os rendementos derivados de contratos de seguro de vida nos que o tomador asume o risco do investimento (habitualmente denominados "unit linked") tributan de acordo co réxime xeral establecido para as percepcións dos seguros de vida, sempre que cumpran os requisitos previstos no artigo 14.2.h) da Lei do imposto.

 

B) SEGUROS «UNIT LINKED» QUE NON CUMPRAN OS REQUISITOS DO ART. 14.2.h) DA LEI

Os contratos de seguro de vida nos que o tomador asume o risco do investimento, que non cumpran os requisitos previstos no artigo 14.2.h) da Lei do imposto tributarán da seguinte forma:

1- Imputación anual como rendemento de capital mobiliario

Imputarase como rendemento de capital mobiliario de cada período impositivo a diferenza entre o valor liquidativo dos activos afectos á póliza ao final e ao comezo do período impositivo.

2- Rendemento derivado da percepción de cantidades do contrato

Cando se obteñan as percepcións derivadas destes contratos tributarán como rendementos do capital mobiliario de acordo coas regras previstas para os contratos de seguro de vida, coa seguinte peculiaridade:

-   O importe das rendas imputadas a que se fixo referencia no número anterior minorará o rendemento derivado destas percepcións (art. 14.2.h) da lei).