A realización de Barcelona World Jumping Challenge terá a consideración de acontecemento de excepcional interese público para os efectos do disposto no artigo 27 da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado.
A duración do programa de apoio a este acontecemento abarcará desde o 1 de novembro de 2012 ao 31 de outubro de 2015.
Os contribuíntes poderán deducir da cota íntegra do imposto o 15 por 100 dos gastos que, en cumprimento dos plans e programas de actividades establecidos polo consorcio, realicen de acordo co artigo 27.3 da Lei 49/2002, na redacción dada pola disposición derradeira segunda da Lei 35/2006, do 28 de novembro.