RENDEMENTOS OBTIDOS DE FORMA NOTORIAMENTE IRREGULAR (art. 11 do regulamento)

 

Considéranse rendementos do traballo obtidos de forma notoriamente irregular no tempo exclusivamente os seguintes, cando se imputen nun único período impositivo:

 

-     As cantidades satisfeitas pola empresa aos empregados con motivo do traslado a outro centro de traballo que excedan dos importes exceptuados de gravame.

 

-     As indemnizacións derivadas dos réximes públicos de Seguridade Social ou clases pasivas, así como as prestacións satisfeitas por colexios de orfos e institucións similares, nos supostos de lesións non invalidantes.

 

-     As prestacións satisfeitas por lesións non invalidantes ou incapacidade permanente, en calquera dos seus graos, por empresas e por entes públicos.

 

-     As prestacións por falecemento e os gastos de enterro que excedan do límite exento, de traballadores ou funcionarios, tanto as de carácter público como as satisfeitas por colexios de orfos e institucións similares, empresas e por entes públicos.

 

-     As cantidades satisfeitas en compensación ou reparación de complementos salariais, pensións ou anualidades de duración indefinida ou pola modificación das condicións de traballo.

 

-     As cantidades satisfeitas pola empresa aos traballadores pola resolución de mutuo acordo da relación laboral.

 

-     Premios literarios, artísticos ou científicos que non gocen de exención neste imposto. Non se consideran premios, para estes efectos, as contraprestacións económicas derivadas da cesión de dereitos de propiedade intelectual ou industrial ou que substitúan a estas.