Incluiranse nesta epígrafe os rendementos en diñeiro ou en especie, así como as súas correspondentes retencións ou ingresos á conta (que o programa traslada ao recadro 591 da páxina 16 da declaración), procedentes de contratos de seguro de vida ou invalidez e de operacións de capitalización, excepto cando deban tributar como rendementos do traballo.
Para determinar o importe dos ingresos íntegros destes rendementos de capital mobiliario aplicaranse as seguintes regras:
CAPITAL DIFERIDO
Cando se perciba un capital diferido, o rendemento íntegro virá determinado pola diferenza entre o capital percibido e o importe das primas satisfeitas.
Importante
Os rendementos percibidos en forma de capital con período de xeración superior a dous anos, derivados de seguros de vida ou invalidez contratados antes do 20 de xaneiro de 2006, deberán incluírse tamén na ventá do recadro 587 da páxina 16 da declaración para os efectos de que o programa poida calcular, se procede, o importe da compensación fiscal do réxime transitorio.
RENDAS VITALICIAS OU TEMPORAIS
Non tributan no IRPF as rendas vitalicias ou temporais que fosen adquiridas por herdanza, legado ou calquera outro título sucesorio.
As rendas temporais e vitalicias integraranse na base impoñible conforme as seguintes regras:
- Réxime especial de integración
- Rescate de rendas temporais e vitalicias
- Réxime transitorio aplicable ás rendas vitalicias e temporais
- Plans individuais de aforro sistemáticos
SEGUROS DE VIDA NOS QUE O TOMADOR ASUME O RISCO DO INVESTIMENTO («Unit linked»)
Os seguros de vida nos que o tomador asume o risco do investimento (habitualmente denominados "unit linked") tributan con certas especialidades.