RENDAS ESTIMADAS (art. 40 da lei)
Presumiranse retribuídas, salvo proba en contrario, as prestacións de servizos susceptibles de xerar rendementos do traballo (art. 6.5 da lei).
A valoración das rendas estimadas efectuarase polo valor normal de mercado. Entenderase por valor normal de mercado a contraprestación que acordarían suxeitos independentes, salvo proba en contrario.
OPERACIÓNS VINCULADAS (art. 41 da lei)
Con carácter xeral, no imposto sobre a renda das persoas físicas aplícanse as regras de valoración das operacións vinculadas nos termos previstos no artigo 16 da Lei do imposto sobre sociedades.