Os rendementos netos de capital inmobiliario reduciranse nun 40 por 100 cando se dea algunha das seguintes circunstancias:
a) Cando teñan un período de xeración superior a dous anos.
Se os rendementos se perciben de forma fraccionada, só será aplicable a redución do 40 por 100 en caso de que o cociente resultante de dividir o número de anos correspondente ao período de xeración, computados de data a data, entre o número de períodos impositivos de fraccionamento, sexa superior a dous (art. 15. 2 do regulamento).
b) Cando se cualifiquen regulamentariamente como obtidos de forma notoriamente irregular no tempo.
Considéranse rendementos de capital mobiliario obtidos de forma notoriamente irregular no tempo, exclusivamente, os seguintes, cando se imputen nun único período impositivo (art. 15.1 do regulamento):
- Importes obtidos polo traspaso ou a cesión do contrato de arrendamento de locais de negocio.
- Indemnizacións percibidas do arrendatario, subarrendatario ou cesionario por danos ou desperfectos no inmoble.
- Importes obtidos pola constitución ou cesión de dereitos de uso ou aproveitamento de carácter vitalicio sobre bens inmobles.
Atención: normalmente a redución deberá consignarse sen signo ningún. Non obstante, cando a redución afecte a un rendemento neto negativo, consignarase precedida do signo menos (-).