REDUCIÓN DO 40 POR 100 (art. 26.2. da lei)

 

Os rendementos netos de capital mobiliario (exclusivamente da alínea 4 do artigo 25) reduciranse nun 40 por 100 cando se dea algunha das seguintes circunstancias:

a) Cando teñan un período de xeración superior a dous anos

Se os rendementos se perciben de forma fraccionada, só será aplicable a redución do 40 por 100 en caso de que o cociente resultante de dividir o número de anos correspondente ao período de xeración, computados de data a data, entre o número de períodos impositivos de fraccionamento, sexa superior a dous (art. 21.2 do regulamento).

b) Cando se cualifiquen regulamentariamente como obtidos de forma notoriamente irregular no tempo.

Considéranse rendementos do capital mobiliario obtidos de forma notoriamente irregular no tempo, exclusivamente, os seguintes, cando se imputen nun único período impositivo (art. 21.1 do regulamento):

-   Importes obtidos polo traspaso ou a cesión do contrato de arrendamento de bens mobles, negocios ou minas.

-   Indemnizacións percibidas do arrendatario ou subarrendatario por danos ou desperfectos, nos supostos de arrendamento de bens mobles, negocios ou minas.

-   Importes obtidos pola constitución ou cesión de dereitos de uso ou aproveitamento de carácter vitalicio sobre bens mobles.