Ademais das reducións realizadas de acordo cos límites sinalados no parágrafo anterior, os contribuíntes cuxo cónxuxe non obteña rendementos do traballo nin de actividades económicas, ou as obteña en contía inferior a 8.000 euros anuais, poderán reducir na base impoñible as achegas realizadas aos sistemas de previsión social citados nos parágrafos anteriores dos que sexa partícipe, mutualista ou titular o dito cónxuxe, co límite máximo de 2.000 euros anuais.
O programa controlará que o límite de rendementos do traballo e de actividades económicas do cónxuxe non supere 8.000 euros, e que o importe da redución non supere 2.000 euros.
As achegas que por este concepto sexan obxecto de redución por parte do contribuínte non se poderán empregar para reducir a base impoñible do cónxuxe. Polo tanto, o importe que figure nesta epígrafe non debe aparecer como redución na base impoñible do cónxuxe por achegas a sistemas de previsión social.
Estas achegas non estarán suxeitas ao imposto de sucesións e doazóns.