Os contribuíntes con residencia habitual na Rexión de Murcia, cuxa idade sexa igual ou inferior a 35 anos no momento da xeración do imposto, poderán deducir o 5 por 100 das cantidades satisfeitas no exercicio pola adquisición (incluíndo a construción e ampliación) ou rehabilitación da vivenda que constitúa ou vaia constituír a súa vivenda habitual, sempre que no primeiro caso se trate de vivendas de nova construción.
Poderán aplicar a dedución aqueles contribuíntes cuxa base impoñible sexa inferior a 24.107,20 euros, sempre que a base impoñible do aforro non supere os 1.800 euros.
Considérase vivenda nova aquela cuxa adquisición represente a primeira transmisión desta con posterioridade á declaración de obra nova, sempre que non transcorresen tres anos desde esta declaración.
Os requisitos para que unha vivenda teña a consideración de habitual son os mesmos ca os establecidos para os efectos da dedución estatal.
Enténdese por rehabilitación para os efectos desta dedución aquela que fose cualificada ou declarada protexible de conformidade co Real decreto 2066/2008, do 12 de decembro, ou con aquelas normas de ámbito estatal ou autonómico que as substitúan.
Base da dedución
A base desta dedución estará constituída polas cantidades satisfeitas no exercicio para a adquisición (incluíndo a construción e ampliación) ou rehabilitación da vivenda, incluídos os gastos orixinados que corresen a cargo do adquirente (impostos, gastos de rexistro e notaría etc.), e, en caso de financiamento alleo, a amortización, os xuros e demais gastos derivados dela.
As limitacións á dedución cando se gozase da dedución por outras vivendas habituais anteriores, ou cando o alleamento dunha vivenda habitual xerase unha ganancia patrimonial exenta por reinvestimento, así como as especialidades en caso de tributación conxunta, serán as establecidas con carácter xeral na normativa estatal reguladora do imposto sobre a renda das persoas físicas.
Límites
A base máxima das deducións por adquisición de vivenda establecidas pola Comunidade Autónoma da Rexión de Murcia ten como límite conxunto 9.015 euros, minorado nas cantidades con dereito á dedución estatal por investimento en vivenda habitual, excluídas, se é o caso, as cantidades destinadas a obras de adecuación da vivenda habitual por razón de discapacidade.
Ademais, o importe desta dedución non poderá superar a cantidade de 300 euros anuais tanto en declaración individual como conxunta.
Estes límites son aplicados e controlados polo programa.
A dedución autonómica por adquisición de vivenda require que o importe comprobado do patrimonio do contribuínte, ao finalizar o período de imposición, exceda do valor que resultase da súa comprobación ao inicio deste, polo menos na contía dos investimentos realizados, de acordo cos requisitos establecidos con carácter xeral pola normativa estatal reguladora do imposto sobre a renda das persoas físicas.
Réxime transitorio
Se o contribuínte aplicou nos anos 1998, 1999 ou 2000 a dedución autonómica por investimento en vivenda habitual, en 2013 poderá aplicar unha dedución do 2 por 100 das cantidades satisfeitas no exercicio pola adquisición ou rehabilitación da dita vivenda.
Esta dedución será do 3 por 100 se a base impoñible xeral menos o mínimo persoal e familiar é inferior a 24.200 euros e a base impoñible do aforro non supera 1.800 euros.
En ambos os casos e tratándose do suposto de adquisición, debe concorrer o requisito de que a vivenda habitual fose de nova construción.
Esta dedución será aplicable con independencia da idade.
Os contribuíntes que aplicaron as deducións autonómicas por adquisición de vivenda para mozos con residencia na Comunidade Autónoma na Rexión de Murcia, establecidas para os exercicios 2001 a 2012, poderán aplicar a presente dedución por investimento en vivenda habitual por mozos, sempre que cumpran os requisitos esixidos para isto e, en particular, o da idade.
Importante
Respecto dunha mesma vivenda, o réxime transitorio da dedución autonómica por investimento en vivenda habitual é incompatible coa aplicación do réxime xeral da citada dedución.
Forma de cubrir
Na ventá reflectiranse as cantidades satisfeitas que dean dereito á dedución, tendo en conta as limitacións indicadas na epígrafe "base da dedución".
En caso de matrimonio, e se o importe satisfeito corresponde aos cónxuxes por partes iguais, reflectirase o 50 por 100 do total das cantidades satisfeitas por ambos.
Se o contribuínte aplicou nos anos 1998, 1999 ou 2000 a dedución autonómica por investimento en vivenda habitual e desexa aplicar o réxime transitorio, deberá indicar
Si no recadro establecido para o efecto na ventá de captura de datos.