Os contribuíntes poderán deducir na cota íntegra autonómica o 15 por 100 das cantidades investidas durante o exercicio, co límite de 1.000 euros anuais, na adquisición de accións ou participacións sociais como consecuencia de acordos de constitución de sociedades ou de ampliación de capital en sociedades anónimas, limitadas, anónimas laborais, limitadas laborais ou cooperativas e que teñan a consideración de pemes de acordo coa definición destas dada pola Recomendación da Comisión Europea do 6 de maio de 2003, sempre que se cumpran os seguintes requisitos:
a) A participación do contribuínte, computada xunto coa do cónxuxe ou persoas unidas por razón de parentesco, en liña directa ou colateral, por consanguinidade ou afinidade, ata o terceiro grao incluído, non pode ser superior ao 40 por 100 do capital social da sociedade obxecto do investimento ou dos seus dereitos de voto.
b) A dita participación ha de manterse un mínimo de tres anos.
c) A entidade en que hai que materializar a entidade debe cumprir os seguintes requisitos:
1. Debe ter o domicilio social e fiscal na Comunidade Autónoma de Cantabria e mantelo durante os tres anos seguintes á constitución ou ampliación.
2. Debe desempeñar unha actividade económica. Para tal efecto non debe de ter por actividade principal a xestión dun patrimonio mobiliario ou inmobiliario.
3. Debe contar, como mínimo, para o caso en que o investimento efectuado corresponda á constitución da entidade, e desde o primeiro exercicio fiscal, cunha persoa ocupada con contrato laboral e a xornada completa, dadas de alta no réxime xeral da Seguridade Social e residente na Comunidad Autónoma de Cantabria.
4. En caso de que o investimento se realizase mediante unha ampliación de capital, a sociedade mercantil debeu ser constituída nos tres anos anteriores á data desta ampliación, e ademais o cadro de persoal medio da entidade durante os dous exercicios fiscais posteriores ao da ampliación debeu incrementarse, respecto do cadro de persoal medio que tivese nos doce meses anteriores, polo menos nunha persoa cos requisitos anteriores, e o dito incremento ha de manterse durante polo menos outros 24 meses.
Para o cálculo do cadro de persoal medio total da empresa e do seu incremento tomaranse as persoas empregadas, nos termos que dispoña a lexislación laboral, tendo en conta a xornada contratada en relación coa xornada completa.
d) O contribuínte pode formar parte do consello de administración da sociedade na que materializou o investimento, pero en ningún caso pode levar a cabo funcións executivas nin de dirección. Tampouco pode manter unha relación laboral coa entidade obxecto do investimento durante ese mesmo prazo.
e) As operacións ás que sexa aplicable a deducción deben formalizarse en escritura pública, na que se debe especificar a identidade dos investidores e o importe do investimento respectivo.
f) As participacións adquiridas deben manterse no patrimonio do contribuínte durante un período mínimo de tres anos, seguintes á constitución ou ampliación.
O incumprimento dos anteriores requisitos leva consigo a perda do beneficio fiscal.
Esta dedución é incompatible polas mesmas cantidades e obxecto de investimento:
a) Coa dedución estatal por investimentos en empresas de nova ou recente creación.
Forma de cubrir:
Na ventá indicaranse as cantidades satisfeitas polo titular da declaración.
En caso de matrimonio e se o importe satisfeito corresponde aos cónxuxes por partes iguais, reflectirase o 50 por 100 do total das cantidades satisfeitas por ambos.