A persoa contribuínte poderá aplicar unha dedución do 20 por 100 das cantidades investidas durante o exercicio na subscrición de accións como consecuencia de acordos de ampliación de capital por medio do segmento de empresas en expansión do Mercado Alternativo Bolsista.
Límite máximo da dedución
O importe máximo da dedución será de 10.000 euros.
REQUISITOS
• A participación do contribuínte na sociedade non poderá ser superior ao 10 por 100 do seu capital social.
• As accións subscritas deben manterse no patrimonio do contribuínte durante un período de dous anos como mínimo.
• A sociedade obxecto do investimento debe ter o domicilio social e fiscal en Aragón e non debe ter como actividade principal a xestión dun patrimonio mobiliario ou inmobiliario, de acordo co disposto polo artigo 4.8.2.a) da Lei 19/1991, do 6 de xuño, do imposto sobre o patrimonio.
FORMA DE CUBRIR: abrirase unha ventá de captura de datos nas que deberá indicar o importe satisfeito con dereito á dedución.
Esta dedución será incompatible, para os mesmos investimentos, coa dedución por investimento na adquisición de accións ou participacións sociais de novas entidades, ou de recente creación dedicadas á investigación e ao desenvolvemento.