Con efectos desde o 1 de xaneiro de 2014, os contribuíntes poderán deducir o 10 por 100 dos gastos satisfeitos no exercicio en primas de seguros individuais de saúde que teñan carácter voluntario, e cuxos beneficiarios sexan o propio contribuínte, o cónxuxe ou os fillos que outorguen o dereito á aplicación do mínimo por descendentes.
Requisitos:
a) A cantidade resultante da suma da base impoñible xeral e a base impoñible do aforro non pode ser superior a 50.000 euros en declaración conxunta e 30.000 euros en declaración individual.
b) Cando dous contribuíntes teñan dereito á dedución polos gastos derivados de primas de seguros de saúde dos seus fillos, o importe da dedución ratearase por partes iguais.
c) Están excluídos da dedución os gastos satisfeitos en concepto de primas de seguros de asistencia dental.
Forma de cubrir:
Deberá indicar no recadro correspondente, e de forma individual, o importe da prima do seguro de saúde pagado no exercicio.