Os contribuíntes que na data de xeración do imposto teñan recoñecida a condición de familia numerosa poderán deducir as seguintes cantidades:
- Familias numerosas de categoría xeral: 200 euros.
- Familias numerosas de categoría especial: 400 euros.
A dedución será de 300 e 900 euros, respectivamente, cando algún dos cónxuxes e descendentes aos que lles sexa de aplicación o mínimo persoal e familiar do imposto teñan acreditado un grao de discapacidade igual ou superior ao 65 por 100 e xeren o dereito á aplicación do mínimo por discapacidade.
Requisitos:
A suma da base impoñible xeral e a do aforro non debe superar a cantidade de 27.000 euros en tributación individual ou a de 36.000 euros en tributación conxunta.
Cando dous ou máis contribuíntes teñan dereito á aplicación da dedución polos mesmos descendentes e algún deles non cumpra os requisitos establecidos no punto anterior, o importe da dedución para os demais contribuíntes quedará reducido á proporción que resulte da aplicación das normas para o rateo do mínimo por descendentes prevista na lexislación estatal.
Forma de cubrir
Indicarase a través dunha ventá de captura de datos a seguinte información:
- A dedución corresponderalle a quen posúa o título de familia numerosa (normalmente os pais). En caso de matrimonio, cando a dedución corresponda a ambos os cónxuxes, marcarase cunha X na columna "Común" a categoría de familia numerosa na que estea clasificado.
- En caso contrario, marcarase na columna "Do titular".
- Débese indicar, ademais, o número de persoas que terían dereito a aplicar a dedución sen ter en conta a contía da súa renda: 1. Cando só podería aplicala o titular seleccionado; 2. Cando puidesen aplicala dúas persoas etc.