Por doazón de cantidades a descendentes para a adquisición ou rehabilitación da súa primeira vivenda habitual, establécense as seguintes deducións:
1. Os contribuíntes con residencia habitual nas Illas Canarias que realicen unha doazón en metálico aos seus descendentes ou adoptados menores de trinta e cinco anos con destino á adquisición ou rehabilitación da primeira vivenda habitual do donatario nas Illas Canarias poderán deducir o 1 por 100 do importe da cantidade doada, co límite de 240 euros por cada donatario.
2. Cando as doazóns teñan como destinatarios a descendentes ou adoptados discapacitados con grao superior ao 33 por 100, a dedución será o 2 por 100 do importe da cantidade doada, co límite de 480 euros por cada donatario.
3. Cando as doazóns teñan como destinatarios a descendentes ou adoptados discapacitados con grao igual ou superior ao 65 por 100, a dedución será o 3 por 100, co límite de 720 euros.
Atención: para poder aplicar as porcentaxes e límites de dedución das alíneas 2 e 3, o descendente ou adoptado discapacitado deberá ser menor de 35 anos.
Para estes efectos, a rehabilitación deberá cumprir as condicións que se establezan regulamentariamente.
Para os efectos da presente dedución establécense as equiparacións seguintes:
• As persoas suxeitas a un acollemento familiar permanente ou preadoptivo equipararanse aos adoptados.
• As persoas que realicen un acollemento familiar permanente ou preadoptivo equipararanse aos adoptantes.
Requisitos
a) Para a aplicación da dedución deberán cumprirse os requisitos previstos no imposto sobre sucesións e doazóns para a redución da base impoñible correspondente á doazón de cantidades en metálico con destino á adquisición ou rehabilitación da vivenda habitual nas IIlas Canarias.
b) Por vivenda habitual considerarase a que, para tales efectos, se entende na normativa do IRPF, equiparándose á adquisición a construción desta, pero non a súa ampliación.
Forma de cubrir
Abrirase unha ventá de captura de datos na que deberá indicar ata para tres descendentes:
- A cantidade doada.
- Cando as doazóns teñan como destinatarios a descendentes ou adoptados discapacitados, deberá seleccionar o grao de discapacidade.