Sobre a parte autonómica da cota íntegra dos contribuíntes residentes na Comunidade Autónoma de Cataluña poderá practicarse a seguinte dedución por donativos:
• Donativos a favor do Institut d‘Estudis Catalans e de fundacións ou asociacións que teñan por finalidade o fomento da lingua catalá e que figuren no censo que elabora o departamento competente en materia de política lingüística.
O importe da dedución será do 15 por 100 das cantidades doadas, sen que poida superar o 10 por 100 da cota íntegra autonómica.
Requisitos
A dedución está condicionada a unha xustificación documental adecuada.
Para estes efectos, as entidades beneficiarias dos ditos donativos deben enviar á Axencia Tributaria de Cataluña, dentro dos primeiros vinte días de cada ano, unha relación das persoas físicas que efectuaron donativos durante o ano anterior, con indicación das cantidades doadas por cada unha delas.
Forma de cubrir
Na ventá reflectiranse as cantidades doadas con dereito a dedución.
En caso de matrimonio, cando a doazón sexa realizada polos cónxuxes por partes iguais, reflectirase o 50 por 100 das cantidades doadas por ambos.