Indicarase o importe da dedución por incremento do cadro de persoal de traballadores discapacitados nas condicións que se expoñen a continuación.
Será deducible da cota íntegra a cantidade de 9.000 euros por cada persoa/ano de incremento do termo medio do cadro de persoal de traballadores discapacitados, cun grao igual ou superior ao 33 por 100 e inferior ao 65 por 100 de discapacidade, contratados por tempo indefinido, de acordo co disposto no artigo 39 da Lei 13/1982, do 7 de abril, de integración social de discapacitados, experimentado durante o ano 2014, respecto do cadro de persoal medio de traballadores discapacitados do exercicio 2013 co dito tipo de contrato. Nas mesmas condicións se o discapacitado ten un grao de discapacidade igual ou superior ao 65 por 100, a cantidade deducible será de 12.000 euros.
Para o cálculo do incremento do termo medio do cadro de persoal computaranse, exclusivamente, os traballadores discapacitados/ano con contrato indefinido que desenvolvan xornada completa, nos termos que dispón a normativa laboral.
Os traballadores contratados que desen dereito a esta dedución non se computarán para os efectos da liberdade de amortización para investimentos xeradores de emprego, regulada no Real decreto lei 7/1994, do 20 de xuño e no Real decreto lei 2/1995, do 17 de febreiro, e no artigo 109 da Lei do imposto sobre sociedades.