Sobre a parte autonómica da cota íntegra poderá deducirse o 15 por 100 das cantidades investidas coas seguintes finalidades:
A) As cantidades destinadas polos titulares de bens inmobles situados no territorio de Castela e León á súa restauración, rehabilitación ou reparación, sempre que concorran as seguintes condicións:
• Que estean inscritos no Rexistro xeral de bens de interese cultural ou afectados pola declaración de ben de interese cultural ou inventariados de acordo coa Lei de patrimonio cultural de Castela e León, sendo necesario que os inmobles reúnan as condicións determinadas no artigo 61 do Real decreto 111/1986, do 10 de xaneiro, de desenvolvemento parcial da Lei de patrimonio histórico español ou as determinadas na Lei de patrimonio cultural de Castela e León.
• Que as obras de restauración, rehabilitación ou reparación fosen autorizadas polo órgano competente da comunidade autónoma, da Administración do Estado ou, se é o caso, polo concello correspondente.
B) As cantidades destinadas polos titulares de bens naturais situados en espazos naturais e lugares integrados na Rede Natura 2000 situados no territorio de Castela e León, sempre que estas actuacións fosen autorizadas ou informadas favorablemente polo órgano competente da comunidade autónoma.
Límite: a base desta dedución xunto coa anterior, relativas ao patrimonio histórico, cultural e natural de Castela e León, non poderá exceder do 10 por 100 da base liquidable. Este límite, que opera independentemente das deducións xerais por investimentos e donativos, é aplicado e controlado polo programa.
Requisitos:
Que a base impoñible total, menos o mínimo persoal e familiar, non supere a contía de 18.900 euros en tributación individual e 31.500 euros en tributación conxunta.
Forma de cubrir
Na ventá indicaranse as cantidades doadas con dereito á dedución.