O 5 por 100 das cantidades investidas polo contribuínte na adquisición de instalacións ou equipos destinados a algunha das finalidades seguintes:
a) Aproveitamento da enerxía solar ou eólica para a súa transformación en calor ou electricidade.
b) Aproveitamento, como combustible, de biomasa ou de cultivos enerxéticos para a súa transformación en calor ou electricidade.
Estas finalidades non deben constituír o exercicio dunha actividade económica de acordo coa normativa estatal reguladora do imposto.
A base desta dedución estará constituída polas cantidades investidas no exercicio, incluídos os gastos orixinados que corresen a cargo do adquirente e, no caso de financiamento alleo, a amortización e os demais gastos desta, con excepción dos xuros.
A parte do investimento financiado con subvencións públicas non dará dereito a dedución.
A base máxima desta dedución será:
a) Cando a suma da base liquidable xeral e do aforro sexa inferior a 23.000 euros anuais, en tributación individual, ou a 37.000 euros en tributación conxunta: 4.100 euros anuais.
b) Cando a suma da base liquidable xeral e do aforro estea comprendida entre 23.000 e 25.000 euros anuais en tributación individual ou entre 37.000 e 40.000 euros anuais en tributación conxunta, o resultado de aplicar a 4.100 euros anuais:
o En tributación individual, unha porcentaxe obtida da aplicación da seguinte fórmula: 100 X (1- o coeficiente de dividir por 2000 a diferenza entre a suma da base liquidable xeral e do aforro do contribuínte e 23.000).
o En tributación conxunta, unha porcentaxe obtida da aplicación da seguinte fórmula: 100 X (1- o coeficiente de dividir por 3000 a diferenza entre a suma da base liquidable xeral e do aforro do contribuínte e 37.000).
Forma de cubrir
Na ventá reflectiranse as cantidades satisfeitas que dean dereito á dedución.
En caso de matrimonio e se o importe satisfeito corresponde aos cónxuxes por partes iguais, reflectirase o 50 por 100 da contía total satisfeita por ambos os cónxuxes.