Cando o contribuínte puxese unha ou máis vivendas á disposición do Goberno de Aragón, ou dalgunha das súas entidades ás que se atribúa a xestión do Plan de vivenda social de Aragón, poderá aplicar unha dedución do 30 por 100 conforme os seguintes requisitos e condicións:
a) A base da dedución será a cota íntegra autonómica que corresponda á base liquidable xeral derivada dos rendementos netos de capital inmobiliario menos as correspondentes reducións por arrendamento de bens inmobles destinados a vivenda.
b) Deberá formalizarse o depósito da fianza correspondente ao arrendamento ante o órgano competente en materia de arrendamento da Comunidade Autónoma de Aragón, dentro do prazo establecido pola Lei 10/1992, do 4 de novembro, de fianza dos arrendamentos urbanos e en determinados contratos de subministración, ou norma vixente en cada momento.
FORMA DE CUBRIR:
Porase a suma dos recadros 069 de cada unha das vivendas cedidas ao Plan de vivenda social.