No suposto de adopción internacional, os contribuíntes poderán deducir 600 euros por cada fillo adoptado no período impositivo.
Esta dedución é compatible coa dedución por nacemento ou adopción anterior.
Cando ambos os pais adoptivos convivan co neno, a dedución ratearase entre eles por partes iguais.
A adopción terá carácter internacional cando así resulte das normas e convenios aplicables nesta materia.
Forma de cubrir
En caso de matrimonio, se ambos os cónxuxes teñen dereito á dedución deberá indicar no recadro "Común" o número de fillos adoptados no ámbito internacional.
Noutro caso, o número de fillos adoptados internacionalmente indicarase na epígrafe "Declarante". Neste suposto deberá cubrir, adicionalmente, se os fillos conviven con ambos os pais adoptivos.