Os contribuíntes que sexan nais ou pais de familia monoparental na data de xeración do imposto terán dereito a aplicar na cota íntegra autonómica unha dedución de 100 euros.
A dedución incrementarase adicionalmente en 100 euros por cada ascendente maior de 75 anos que xere o dereito á aplicación do mínimo por ascendentes.
Cando varios contribuíntes teñan dereito á aplicación da dedución prevista no parágrafo anterior, haberá que aterse ás regras de rateo, convivencia e demais límites previstos na normativa estatal do imposto sobre a renda das persoas físicas.
Límite de base impoñible
A suma das bases impoñibles xeral e do aforro non debe superar 80.000 euros en tributación individual ou 100.000 euros en caso de tributación conxunta.
Concepto de familia monoparental
Terá a consideración de familia monoparental a formada pola nai ou o pai e todos os fillos que convivan con un ou outro e que reúnan algún dos seguintes requisitos:
a) Fillos menores de idade, con excepción dos que, co consentimento dos pais, vivan independentes destes.
b) Fillos maiores de idade incapacitados xudicialmente suxeitos a patria potestade prorrogada ou rehabilitada.
Forma de cubrir
Abrirase unha ventá de captura de datos na que deberá indicar se ten dereito á dedución.
A ventá reflectirá o número de ascendentes maiores de 75 anos con dereito ao mínimo por ascendentes.