Cada contribuínte discapacitado de idade igual ou superior a 65 anos ten dereito a unha dedución de 179 euros sempre que se cumpran simultaneamente os seguintes requisitos:
1) Ter polo menos 65 anos na data de xeración do imposto.
2) Ser discapacitado cun grao de discapacidade igual ou superior ao 33 por 100. O grao de discapacidade acreditarase mediante o correspondente certificado expedido polos órganos competentes da Generalitat ou polos órganos correspondentes do Estado ou doutras comunidades autónomas.
3) Non percibir como consecuencia da situación de discapacidade ningún tipo de prestación que se encontre exenta no IRPF.
4) Que a suma da base liquidable xeral e da base liquidable do aforro do contribuínte non sexa superior a 25.000 euros en tributación individual ou a 40.000 euros en tributación conxunta.
LÍMITE DA DEDUCIÓN
O importe íntegro da dedución só será aplicable aos contribuíntes cuxa suma da base liquidable xeral e da base liquidable do aforro sexa inferior a 23.000 euros en tributación individual, ou inferior a 37.000 euros en tributación conxunta.
Cando a suma da base liquidable xeral e da base liquidable do aforro estea comprendida entre 23.000 e 25.000 euros en tributación individual, ou entre 37.000 e 40.000 euros en tributación conxunta, os importes e límites de dedución serán os seguintes:
a) En tributación individual, o resultado de multiplicar o importe ou límite de dedución por unha porcentaxe obtida da aplicación da seguinte fórmula: 100 X (1 – o coeficiente resultante de dividir por 2000 a diferenza entre a suma da base liquidable xeral e do aforro do contribuínte e 23.000).
b) En tributación conxunta, o resultado de multiplicar o importe ou límite de dedución por unha porcentaxe obtida da aplicación da seguinte fórmula: 100 X (1 – o coeficiente resultante de dividir por 3000 a diferenza entre a suma da base liquidable xeral e do aforro do contribuínte e 37.000).
Forma de cubrir
Se cumpre os requisitos para
aplicar a dedución, deberá marcar cunha X o recadro da ventá da captura de datos.