O IMPORTE TEÓRICO DA COTA ÍNTEGRA

 

O importe teórico da cota íntegra será o seguinte:

 

a) Cando o saldo resultante de integrar e compensar entre si os rendementos obtidos pola cesión a terceiros de capitais propios e de contratos de seguros de vida ou invalidez, aplicando as porcentaxes de redución previstas nos artigos 24.2, 94 e disposición transitoria sexta do texto refundido da Lei do imposto sobre a renda das persoas físicas na súa redacción vixente o 31 de decembro de 2006, sexa cero ou negativo, o importe teórico da cota íntegra será cero.

 

b) Cando o saldo resultante de integrar e compensar entre si os rendementos previstos na epígrafe a) anterior, aplicando as porcentaxes de redución previstas nos artigos 24.2, 94 e disposición transitoria sexta do texto refundido da Lei do imposto sobre a renda das persoas físicas na súa redacción vixente o 31 de decembro de 2006, sexa positivo, o importe teórico da cota íntegra será a diferenza positiva entre a cota resultante de aplicar á suma da base liquidable xeral e do saldo positivo anteriormente sinalado o disposto nos artigos 63.1.1º e 74.1.1º da Lei 35/2006, e a cota correspondente de aplicar o sinalado nos ditos artigos á base liquidable xeral.