INCENTIVOS AO MECENADO. GASTOS EN ACTIVIDADES DE INTERESE XERAL (Lei 49/2002)

 

Teñen a consideración de partida deducible os gastos realizados para os fins de interese xeral que se recollen a continuación por empresarios e profesionais que determinen o seu rendemento polo réxime de estimación directa:

 

Fins de interese xeral (art. 3.1 da Lei 49/2002)

 

Teñen a consideración de fins de interese xeral, entre outros:

 

-   Os de defensa dos dereitos humanos, das vítimas do terrorismo e os actos violentos.

-   Os de asistencia social e inclusión social.

-   Os cívicos, educativos, culturais, científicos, deportivos, sanitarios, laborais.

-   Os de fortalecemento institucional.

-   Os de cooperación para o desenvolvemento.

-   Os de promoción do voluntariado e de promoción da acción social.

-   Os de defensa do medio.

-   Os de promoción e atención ás persoas en risco de exclusión por razóns físicas, económicas ou culturais.

-   Os de promoción dos valores constitucionais e defensa dos principios democráticos.

-   Os de fomento da tolerancia.

-   Os de fomento da economía social.

-   Os de desenvolvemento da sociedade da información.

-   Os de investigación científica e desenvolvemento tecnolóxico.