INCENTIVOS AO MECENADO, CONVENIOS DE COLABORACIÓN EN ACTIVIDADES DE INTERESE XERAL (Lei 49/2002)

 

INCENTIVOS AO MECENADO: CONDICIÓNS XERAIS DE APLICACIÓN

 

A Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado estableceu as seguintes modalidades de incentivos fiscais á participación e colaboración dos empresarios e profesionais en actividades de interese xeral:

 

-  Convenios de colaboración empresarial en actividades de interese xeral

-   Gastos en actividades de interese xeral

 

A aplicación dos ditos incentivos limítase ao ámbito daquelas actividades económicas que determinen o rendemento neto da súa actividade en réxime de estimación directa.

 

Ademais, os incentivos recollidos nas dúas primeiras epígrafes son incompatibles cos demais incentivos fiscais previstos na Lei 49/2002, como a dedución por doazóns.

 

As cantidades satisfeitas ou os gastos realizados por empresarios e profesionais que determinen o seu rendemento polo réxime de estimación directa, como consecuencia de convenios de colaboración empresarial en actividades de interese xeral realizados coas entidades e institucións da Lei 49/2002 previstas na Lei 49/2002, teñen a consideración de gastos deducibles do rendemento neto da actividade económica desenvolvida.

 

Enténdese por convenio de colaboración empresarial en actividades de interese xeral aquel polo cal as entidades mencionadas no parágrafo anterior, a cambio dunha axuda económica para a realización das actividades que efectúen en cumprimento do obxecto ou finalidade específica desta, se comprometen por escrito a difundir a participación do colaborador nas ditas actividades.

 

Non existen límites para a deducibilidade deses gastos.