II. RÉXIME ESPECIAL PARA INVESTIMENTOS EN CANARIAS (art. 94 da Lei 20/1991)

FORMA DE CUBRIR IRPF. ANEXO A1 - A2 - A3 - A4 DEDUCIÓNS XERAIS DA COTA > DEDUCIÓNS POR INCENTIVOS E ESTÍMULOS AO INVESTIMENTO EMPRESARIAL

II. RÉXIME ESPECIAL PARA INVESTIMENTOS EN CANARIAS (art. 94 da Lei 20/1991)

De acordo co previsto no artigo 94 da Lei 20/1991, do 7 de xuño, de modificación dos aspectos fiscais do réxime económico e fiscal de Canarias, os investimentos que se realicen e permanezan no arquipélago canario, efectuados por persoas físicas que desenvolvan actividades económicas en Canarias, poden acollerse ao réxime xeral de deducións, pero con suxeición a porcentaxes e límites específicos, que se aplicarán con independencia dos que correspondan polos investimentos acollidos ao réxime xeral.

Así, os tipos aplicables sobre os investimentos realizados serán superiores nun 80 por 100 aos do réxime xeral, cun diferencial mínimo de 20 puntos porcentuais; e o límite máximo de dedución será sempre superior nun 80 por 100 ao que se fixe para o réxime xeral, cun diferencial mínimo de 35 puntos porcentuais.