GASTOS DE AMORTIZACIÓN DOS RENDEMENTOS DE CAPITAL INMOBILIARIO (art. 14 do regulamento)

 

Para a determinación do rendemento neto do capital inmobiliario, terán a consideración de gasto deducible as cantidades destinadas á amortización do inmoble e dos demais bens cedidos con este, sempre que respondan á súa depreciación efectiva.

Considerarase que as amortizacións cumpren o requisito de efectividade:

a)   Respecto dos inmobles: cando, en cada ano, non excedan do resultado de aplicar o 3 por 100 sobre o maior dos seguintes valores: o custo de adquisición satisfeito ou o valor catastral, sen incluír no cómputo o do solo.

Cando non se coñeza o valor do solo, este calcularase rateando o custo de adquisición satisfeito entre os valores catastrais do solo e da construción de cada ano.

b)   Respecto dos bens de natureza mobiliaria, susceptibles de seren utilizados por un período superior ao ano e cedidos conxuntamente co inmoble: cando, en cada ano, non excedan do resultado de aplicar aos custos de adquisición satisfeitos os coeficientes de amortización determinados de acordo coa táboa de amortizacións aprobada para o réxime de estimación directa simplificada.

 

Dereitos reais de uso e aproveitamento

No caso de que os rendementos procedan da titularidade de dereitos reais de uso ou aproveitamento, poderá amortizarse, co límite dos rendementos íntegros de cada dereito, o seu custo de adquisición satisfeito.

A amortización, neste suposto, será o resultado das regras seguintes:

1-   Cando o dereito ou facultade tivese prazo de duración determinado, o que resulte de dividir o custo de adquisición satisfeito do dereito entre o número de anos de duración deste.

2-   Cando o dereito ou facultade fose vitalicio, o resultado de aplicar ao custo de adquisición satisfeito a porcentaxe do 3 por 100.