Como regra xeral, no caso de operacións de fusión, escisión ou troco de valores, a comunicación da opción polo réxime especial establecido nos artigos 83 e seguintes do texto refundido da Lei do imposto sobre sociedades, deberá ser efectuada pola entidade ou entidades adquirentes.
Non obstante, se se trata de operacións de fusión ou de escisión nas cales nin a entidade transmisora nin a entidade adquirente teñan a súa residencia fiscal en España e nas que non sexa de aplicación o réxime establecido no artigo 84 da Lei do imposto, por non dispoñer a transmisora dun establecemento permanente situado neste país, a opción polo réxime especial corresponderalle ao socio residente afectado.
Igualmente, nas operacións de troco de valores, cando nin a entidade adquirente dos valores nin a entidade participada cuxos valores se trocan sexan residentes en España, a opción polo réxime especial tamén lle corresponde ao socio residente afectado.
De concorrer algunha destas circunstancias, deberá consignar o número de operacións realizadas no exercicio nos recadros 393 e 395 (art. 43 do Regulamento do imposto sobre sociedades).