A través dunha ventá de captura de datos, o programa calculará o importe da dedución por adquisición de vivenda habitual nas diferentes modalidades de investimento.
Consignaranse as cantidades investidas en vivenda habitual, segundo as seguintes modalidades de investimento:
1) DATOS RELATIVOS AO CÁLCULO DA DEDUCIÓN
1.1) ADQUISICIÓN DA VIVENDA HABITUAL
a) Data de adquisición
Indicarase a data de adquisición da vivenda habitual.
b) Cantidades investidas na adquisición con dereito a dedución
Indicaranse as cantidades investidas no exercicio 2014 con dereito a dedución.
O importe máximo dos investimentos con dereito a dedución (incluídos, se é o caso, os investimentos por construción ou conta vivenda) será de 9.040 euros anuais.
Se existise exceso sobre este importe, non poderá trasladarse a exercicios futuros.
1.2) OUTROS CONCEPTOS
CONSTRUCIÓN, REHABILITACIÓN OU AMPLIACIÓN DA VIVENDA HABITUAL
Indicaranse as cantidades investidas no exercicio con dereito a dedución, destinadas á rehabilitación, construción ou ampliación da vivenda habitual, con ou sen financiamento alleo.
2) DATOS ADICIONAIS DE CARÁCTER INFORMATIVO
- Número de identificación do préstamo hipotecario
Ademais, se a adquisición se efectuou, total ou parcialmente, con financiamento alleo e este consiste exclusivamente nun único préstamo hipotecario, débese consignar o seu número de identificación e indicar o que corresponda ao vixente o 31 de decembro de 2014 se se cambiou de préstamo durante o exercicio.
- Porcentaxe do préstamo hipotecario que se destina á adquisición
No suposto de que o capital do préstamo hipotecario non se destinase na súa totalidade á adquisición da vivenda, deberá indicar exclusivamente a porcentaxe que efectivamente se destinou á adquisición.
- Pagamentos efectuados ao promotor ou construtor
Así mesmo, ademais de indicar, na epígrafe da ventá correspondente a rehabilitación, construción ou ampliación, as cantidades investidas con dereito a dedución, deberá facilitar tamén, se é o caso, os pagamentos realizados directamente ao promotor ou construtor con independencia de que dean dereito a dedución.
Tamén deberá indicar o NIF do promotor ou construtor da vivenda, que o programa trasladará ao recadro 635.