Neste parágrafo relacionaranse exclusivamente os fillos que formen parte da unidade familiar e sexan perceptores de rendas suxeitas e non exentas do imposto.
O programa só admite un máximo de catro fillos perceptores de rendas.
Na ventá de captura de datos deberá facilitar a seguinte información:
- APELIDOS, NOME E NIF DOS FILLOS
Consignaranse os dous apelidos, o nome e o NIF de cada un dos fillos relacionados.
Atención:
- En todo caso, será necesario incluír o NIF dos fillos maiores de 14 anos.
- No caso de declaración conxunta, cando se inclúan rendas pertencentes a descendentes menores de 14 anos, será necesario tamén indicar o seu NIF.
- Para poder imprimir os modelos oficiais das declaracións individuais dos fillos, o programa esixe ter indicado necesariamente o NIF dos fillos.
- DATA DE NACEMENTO
Indicarase o día, mes e ano de nacemento de cada unha das persoas relacionadas.
- VINCULACIÓN
Consignarase no recadro “Vinculación” a clave que corresponda das que se indican a continuación:
"A"= Fillo común ao "Primeiro declarante" e ao "Cónxuxe".
No impreso de declaración non se visualizará ningunha clave no recadro "Vinculación".
"B"= Fillo exclusivamente do "Primeiro declarante", sempre que este non conviva tamén co outro proxenitor.
No impreso de declaración visualizarase a clave numérica 1 na declaración conxunta e na declaración individual do "Primeiro declarante".
"C"= Fillo exclusivamente do "Cónxuxe", sempre que este non conviva tamén co outro proxenitor.
No impreso de declaración visualizarase a clave numérica 2 na declaración conxunta e a clave numérica 1 na declaración individual do "Cónxuxe".
"D"= Fillo do "Primeiro declarante" cando o dito fillo tamén convive co outro proxenitor.
Utilizarase esta clave nos seguintes supostos:
1. Se non existe matrimonio entrambos os proxenitores ou nos casos de separación legal ou divorcio cando ademais a garda e custodia dos fillos está compartida.
2 No suposto de que un dos proxenitores falecese no exercicio e os fillos convivisen con ambos os proxenitores ata a data do seu falecemento, o cónxuxe supérstite deberá consignar esta clave. Non obstante, na declaración do cónxuxe falecido deberá consignarse a clave "A".
No caso de indicar esta clave “D”, deberá consignar tamén o NIF do outro proxenitor.
No impreso de declaración visualizarase a clave numérica 3 na declaración conxunta e na declaración individual do "Primeiro declarante".
"E" = Fillo exclusivamente do "Cónxuxe" cando o dito fillo tamén convive co outro proxenitor, incluídos os supostos de garda e custodia compartida entrambos os proxenitores.
No impreso de declaración visualizarase a clave numérica 4 na declaración conxunta e a clave numérica 3 na declaración individual do "Cónxuxe”.
No caso de indicar esta clave “D”, deberá consignar tamén o NIF do outro proxenitor.
SUPOSTOS ESPECIAIS EN UNIÓNS DE FEITO
- Unións de feito con fillos comúns
Nestes casos poderá formar unidade familiar calquera dos proxenitores, á súa elección, con todos os seus fillos. Para cubrir a declaración mediante o programa hai que distinguir:
- Declaración da unidade familiar formada por un dos proxenitores cos fillos:
Identificaranse os fillos comúns a ambos os membros da parella coa clave "D". Ademais, deberá consignarse no recadro "Outras situacións" a clave "3" (ou a clave "4" se o fillo está sometido á patria potestade prorrogada).
- Declaración individual do outro proxenitor:
Se a unidade familiar do punto anterior tributa conxuntamente, o outro proxenitor non deberá relacionar os fillos comúns con rendas superiores a 1.800 euros que presenten declaración conxunta co outro membro da parella.
Se a unidade familiar do punto anterior non tributa conxuntamente e os fillos con rendas superiores a 1.800 euros tampouco presentan declaración individual, o outro proxenitor relacionará os fillos consignando no recadro "Vinculación" da súa declaración a clave "D".
- Falecemento dun dos proxenitores
No suposto de falecemento durante o ano 2014 dun dos proxenitores e sempre que os fillos menores (ou maiores sometidos á patria potestade prorrogada) convivisen con ambos os proxenitores ata a data do seu falecemento, deberá consignarse a clave "D" no recadro "Vinculación" = fillo do "Primeiro declarante" cando o dito fillo tamén convive co outro proxenitor.
- DISCAPACIDADE (grao)
En caso de que, considerando a situación existente o día 31-12-2014, algún dos fillos relacionados sexa discapacitado e poida acreditar un grao de discapacidade igual ou superior ao 33 por 100, indicarase o grao de discapacidade recoñecido entre os que se indican a continuación:
1- Discapacidade en grao igual ou superior ao 33 % e inferior ao 65 % (para o caso de non estar na situación 2).
2- Discapacidade en grao igual ou superior ao 33 % e inferior ao 65 %, se se acredita que se precisa axuda de terceiras persoas ou que se ten mobilidade reducida.
3- Discapacidade en grao igual ou superior ao 65 %.
Polos fillos discapacitados cuxa discapacidade fose declarada xudicialmente deberá indicarse como mínimo un grao de discapacidade do 65 por 100, aínda que non alcancen o dito grao.
- OUTRAS SITUACIÓNS
Unicamente se cubrirá o recadro "Outras situacións" cando as persoas relacionadas neste punto se encontren nalgunha das situacións especiais que se indican a continuación:
1- Descendente distinto dos fillos (neto, bisneto etc.) ou persoa vinculada ao contribuínte por razón de tutela ou acollemento.
2- Fillo ou filla maior de idade incapacitado/a xudicialmente, suxeito/a á patria potestade prorrogada ou rehabilitada.
3- Fillo ou filla do "Primeiro declarante" cando tamén conviva co outro proxenitor (pai ou nai) sen mediar matrimonio entrambos os proxenitores.
4- Fillo ou filla do contribuínte cando concorran simultaneamente as situacións 2 e 3 anteriores.
- SEXO
Deberá marcar cunha X o sexo do "fillo 1" e/ou "fillo 2", “fillo 3”, “fillo 4” (fillos perceptores de rendas).
- DATA DE ADOPCIÓN
No caso de adopción, indicarase a data (día, mes e ano) en que tivese lugar a inscrición no Rexistro Civil ou, de non ser necesaria a dita inscrición, a data da correspondente resolución xudicial ou administrativa. No caso de fillos adoptados que previamente estivesen acollidos, indicarase ademais a data que corresponda ao acollemento.
- FALECEMENTO DO OUTRO PROXENITOR
Marcarase cunha X no caso no que o outro proxenitor falecese con anterioridade ao 31 de decembro de 2014.
- RENDAS SUPERIORES a 8.000 euros
Marcarase este recadro se o fillo membro da unidade familiar percibe rendas anuais superiores a 8.000 euros, excluídas as exentas.
- PRESENTA DECLARACIÓN
Os fillos que presenten declaración polo imposto con rendas superiores a 1.800 euros non orixinan dereito á aplicación do mínimo familiar por descendentes.
Marcarase este recadro se o fillo presenta declaración individual polo imposto con rendas superiores a 1.800 euros.
Atención: non deberá relacionar os fillos con rendas superiores a 1.800 euros que presenten declaración conxunta co outro proxenitor nos seguintes supostos:
- Parellas de feito.
- Separación legal ou divorcio cando ademais a garda e custodia dos fillos está compartida.