A base liquidable xeral estará constituída polo resultado de practicar na parte xeral da base impoñible as reducións seguintes, xa expostas nos parágrafos anteriores:
a) Por tributación conxunta.
b) Por achegas a sistemas de previsión social. Réxime xeral.
c) Por achegas a sistemas de previsión social do cónxuxe.
d) Por achegas a sistemas de previsión social en favor de persoas con discapacidade.
e) Por achegas á mutualidade de deportistas profesionais.
f) Por achegas aos patrimonios protexidos das persoas con discapacidade.
g) Por pensións compensatorias e anualidades por alimentos.
h) Por cotas e achegas a partidos políticos.
IMPORTANTE: a base liquidable xeral non poderá resultar negativa como consecuencia destas reducións.
COMPENSACIÓNS
- BASES LIQUIDABLES XERAIS NEGATIVAS DE 2010 a 2013
Se o contribuínte tivese bases liquidables xerais negativas pendentes de compensar dos exercicios 2010 a 2013, poderá compensalas coa base impoñible xeral do presente exercicio. Para iso deberá consignalas na epígrafe "J. Base liquidable xeral e base liquidable do aforro. Determinación da base liquidable xeral", recadro 489 da páxina 13 da declaración.
A compensación deberá efectuarse na contía máxima que permita o recadro 488.