Cando entre as rendas do contribuínte figuren rendementos ou ganancias patrimoniais obtidos e gravados no estranxeiro, deducirase a menor das cantidades seguintes:
a) O importe efectivo do satisfeito no estranxeiro por razón dun imposto de natureza idéntica ou análoga a este imposto ou ao imposto da renda de non residentes sobre os ditos rendementos ou ganancias patrimoniais.
b) O resultado de lle aplicar o tipo medio efectivo de gravame á parte de base liquidable gravada no estranxeiro.
Para estes efectos, o tipo medio efectivo de gravame será o resultado de multiplicar por 100 o cociente obtido de dividir a cota líquida total pola base liquidable. Para tal fin, deberase diferenciar o tipo de gravame que corresponda ás rendas xerais e do aforro, segundo proceda. O tipo de gravame expresarase con dous decimais.
Cando se obteñan rendas no estranxeiro a través dun establecemento permanente, practicarase esta dedución e en ningún caso resultará de aplicación o procedemento de eliminación da dobre imposición previsto no artigo 22 do texto refundido da Lei do imposto sobre sociedades.
FORMA DE CUBRIR
A través dunha ventá de captura de datos farase constar a seguinte información:
- Tipo de renda obtido
Deberá seleccionar a clave 1 se se trata de rendementos do traballo ou de actividades económicas e a clave 2 se corresponde a outro tipo de rendas (resto de rendementos e ganancias patrimoniais).
- Rendas incluídas na base impoñible xeral
Abrirase unha ventá de captura de datos na que deberá indicar separadamente a contía das rendas obtidas e gravadas no estranxeiro incluídas na base impoñible xeral, tendo en conta o seguinte:
1- Indicaranse os rendementos netos do traballo (ingresos íntegros menos os gastos deducibles) obtidos no estranxeiro.
2- Indicaranse os rendementos netos reducidos de actividades económicas en estimación directa obtidos no estranxeiro.
3- Indicaranse os rendementos netos reducidos do capital, os rendementos netos reducidos de actividades económicas en estimación obxectiva e as ganancias patrimoniais sometidas a tributación, obtidos no estranxeiro.
4- Consignarase o importe efectivo do satisfeito no estranxeiro por razón de gravame de carácter persoal sobre o rendemento ou ganancia patrimonial.
- Rendas incluídas na base impoñible do aforro
Abrirase unha ventá de captura de datos na que se indicará a contía das rendas obtidas e gravadas no estranxeiro incluídas na base impoñible do aforro, tendo en conta o seguinte:
- Dividendos con dereito á exención do artigo 7.y) da lei
Incluirase o importe íntegro dos dividendos aos que resulte aplicable a exención do artigo 7.y) da lei e, se é o caso, os gastos de administración e depósito de valores correspondentes aos rendementos reflectidos.
- Resto de rendas incluídas na base impoñible do aforro
1- Se as rendas obtidas no estranxeiro teñen a consideración de rendementos do capital mobiliario, indicarase o importe do rendemento neto reducido obtido no estranxeiro. En caso de tratarse de ganancias patrimoniais, farase constar o importe da ganancia patrimonial sometida a tributación.
2- Consignarase o importe efectivo do satisfeito no estranxeiro por razón de gravame de carácter persoal sobre o rendemento ou ganancia patrimonial.