Os contribuíntes que teñan unha base impoñible inferior a 24.107 euros anuais poderán deducir o 10,05 por 100 das cantidades satisfeitas no período impositivo polo alugamento da súa vivenda habitual.
Nota: a base impoñible deberá ser inferior a 24.107 euros tanto en tributación individual coma en tributación conxunta.
BASE MÁXIMA DE DEDUCIÓN
• Base impoñible igual ou inferior a 17.707,20 euros anuais: 9.040 euros anuais.
• Base impoñible entre 17.707,20 e 24.107,20 euros anuais: 9.040 euros - {1,4125 x (BI - 17.707,20) }*.
(*) BI = Base impoñible
Forma de cubrir
Na ventá de captura de datos deberán indicarse ata para dous arrendamentos distintos:
- As cantidades satisfeitas no período impositivo polo alugamento da vivenda habitual co límite de 9.040 euros.
- O NIF do arrendador.
- Se o arrendador non reside en España e non ten NIF español, deberá reflectir no terceiro recadro o número de identificación que teña no país de residencia.