PRESENTACIÓN DA DECLARACIÓN POR VÍA TELEMÁTICA
Se o resultado da declaración é negativo (sen ingreso nin devolución), con solicitude de devolución ou con renuncia á devolución, o declarante ou, de ser o caso, o presentador procederá como segue:
1- Deberá poñerse en comunicación coa sede electrónica da Axencia Tributaria a través da internet no enderezo: https://www.agenciatributaria.gob.es.
2- Seleccionará o concepto fiscal (Renda 2014. Presentación de declaración).
3- Seleccionará o ficheiro que contén a declaración que se vaia transmitir.
4- A continuación procederá a transmitir a declaración utilizando calquera das formas das formas de presentación electrónica indicadas no apartado “Formas de presentación electrónica”.
Se o presentador é unha persoa ou entidade autorizada para presentar declaracións en representación de terceiras persoas, requirirase utilizar certificado electrónico recoñecido.
5- Se a autoliquidación é aceptada, a Axencia Tributaria devolveralle en pantalla os datos da autoliquidación validados cun código seguro de verificación de 16 caracteres, ademais da data e hora da presentación.
6- O presentador deberá imprimir e conservar a declaración aceptada, así como o documento de ingreso ou devolución, modelo 100, debidamente validados co correspondente código seguro de verificación.
7- No suposto de que a presentación fose rexeitada, mostrarase en pantalla a descrición dos erros detectados. Neste caso, deberá procederse a rectificalos co programa de axuda co que se xerou o ficheiro ou repetindo a presentación se o erro é ocasionado por outro motivo.